Phullen ah Police Beat Post hawng

by News Editor

Tualchhung News

ZORAM TODAY| Aizawl 21th May, 2024: Vawiin khan Pu Lalbiakthanga Khiangte, IPS, IGP(L&O) chuan Phullen Police Beat Post chu a hawng.

Pu Lalbiakthanga Khiangte IPS, IGP chuan thu sawiin,"Phullen chu khaw ropui tak, harhna thlenna hmasa ber leh Martar hmasa ber neitu an ni a, Kristian dan thianghlim a inneihna hmasa ber khua anni bawk," a ti a, chu chu ropui atih thu a sawi.

Kalkhawmte hnenah misual manchhuah kawng ah thawhhona tha tak an neih a ngaih thu sawiin mipuite chu Police te beng leh hnar an ni, ati bawk.

Saitual PS hnuaia function tur Phullen Beat Post office atan hian Phullen VC te chuan NERLP building chu phal taka an hmantir a. Phullen Beat Post hnuaiah ASI ho in an vaiin mi 7 awmin case tenau investigation leh traffic dan bawhchhia thleng in an khawih theih dawn a ni.

Vawiin a Police Beat Post hawnna inkhawm hi Saitual Police Addl. SP, Pu J.Rokima'n a kaihruai a, Phullen Presbyterian Church Pastor Pu K.Lalchhuanawma chuan hunserh hmangin Pathian hnena tawngtaina in a hlan a ni. Saitual SP Pukhraj Kamal Gupta bakah Phullen VC aiawhten thu an sawi bawk.